Կանոններ և Պայմաններ

Նախաբան

• Մինչև վերջնական գնում կատարելը անպայման կարդացեք և ծանոթացեք "Կանոններին և Պայմաններին"՝ հետագա թյուրիմացություններից և թյուրըմբռնումներից խուսափելու համար:
• Առանց «Կանոններ և Պայմաններ»-ին համաձայնվելու դուք չեք կարող կատարել գնումներ:
• «Կանոններ և Պայմաններ»-ին համաձայնվելու, բայց դրանց չծանոթանալու պարագայում, Ձեզ պատճառված անհարմարությունների, ժամանակի և ֆինանսական կորուստների համար «Ծիրան Մարկետ» ընկերությունը պատասխանատվություն չի կրում: 

Ցանկ

1. Հիմնական դրույթներ և տերմիններ
2. Ապրանքների նկարագրություն
3. Ապրանքների և ծառայությունների գները
4. Գնումների, գնումների վերադարձի և չեղարկման պայմաններ
5. Կրեդիտ քարտեր
6. Արձագանքներ և մեկնաբանություններ
7. Հղումներ այլ կայքերի
8. Մեր Պատասխանատվությունը և այն բացառող հանգամանքներ
9. Տեղեկությունների հավաքագրում
10. Գաղտնիության պահպանումը առցանց ռեժիմում
11. Հետադարձ կապ
12. Այլ դրույթներ

1․ Հիմնական դրույթներ և տերմիններ
www.tsiranmarket.am (www.tsiran.am) վեբ կայքը, Tsiran հավելվածը և Ծիրան ապրանքանիշը (այսուհետ և հետագա բոլոր նշումներում՝ «Ծիրան Համակարգ») հնարավորություն է տալիս օգտվողներին՝ հետագա հիշատակումներում Գնորդներ, օրինական ճանապարհով կատարել առցանց գնումներ «Ծիրան Համակարգ»-ից՝ ստորև նշված պայմաններով և կանոններով։ «Ծիրան Համակարգը» պատկանում է «Ծիրան Մարկետ» ՍՊԸ-ին և ղեկավարվում է վերջինիս կողմից: Հետայսու «մենք», «մեր», «մեզ» տերմինները, «Ծիրան Համակարգ»-ը վերաբերում են «Ծիրան Մարկետ» ՍՊԸ-ին: «Դուք», «Ձեր», «Ձեզ» տերմինները վերաբերում են գնորդին, որը կատարում է առցանց գնում «Ծիրան Համակարգի» միջոցով: «Մատակարար» տերմինը վերաբերում է Ծիրան սուպերմարկետների ցանցի ապրանքների մատակարարներին: Այս կանոնները և պայմանները կարող են ժամանակ առ ժամանակ ենթարկվել փոփոխությունների: «Կանոններ և պայմաններ»-ը վերաբերում են անձամբ կամ երկրորդ անձի միջոցով առցանց ռեժիմով կատարված գնումներին: Մուտք գործելով, ուսումնասիրելով, օգտվելով և առցանց գնում կատարելով «Ծիրան Համակարգի» միջոցով` Դուք ընդունում եք, որ կարդացել, հասկացել և համաձայնել եք ստորև նկարագրված պայմաններին և կանոններին: Նշված «Կանոններ և Պայմանները» հանդիսանում են իրավական ուժ ունեցող Պայմանագիր՝ Գնորդների և «Ծիրան Մարկետ» ՍՊԸ-ի միջև :

2․ Ապրանքների նկարագրություն
«Ծիրան Համակարգը» հանդիսանում է պարենային և ոչ պարենային ապրանքների առցանց գնումների համակարգ: «Ծիրան Համակարգը» և համակարգի գործընկերները՝ մատակարարները, գնորդներին ներկայացնում են առցանց գնումների բազա:
«Ծիրան Համակարգում» ապրանքների նկարագրությունները ներկայացված են հնարավորինս մանրամասն և թույլ են տալիս ընդհանուր պատկերացում կազմել ապրանքների մասին: Ապրանքի նկարագրությունը բաժանված է երկու մասի՝ հիմնական և հավելյալ: Հիմնական մասում ներկայացված է ապրանքների

1. Նկար
2. Անվանում
3. Գին
4. Քաշ/ծավալ/քանակ
5. Բրենդ
6. Արտադրող երկիր
7. Ապրանքային կոդ
8. Պահեստում առկա է/առկա չէ
9. Հղում նկարագրությանը

Հավելյալ մասում

1. Կարծիքներ
2. Բաղադրություն
3. Պահպանման պայմաններ
4. Արտադրող ընկերություն
5. Էներգետիկ և սննդային արժեքներ
6. Յուղայնություն/թնդություն
7. Հնեցում 
8. Գույն
9. Տեսակ/տիպ
10. Սառեցված ապրանքներ

Նկարագրության մեջ տեղ է հատկացված նաև տվյալ ապրանքի վերաբերյալ գնորդների կարծիքներին, որն իրենից ներկայացնում է ընդհանուր տեղեկատվական բնույթ ձևավորված գնորդների կարծիքների հիման վրա: Մենք մեզ իրավունք ենք վերապահում չհրապարակել կամ հեռացնել Ձեր արձագանքները, եթե դրանք կպարունակեն ոչ պատշաճ արտահայտություններ կամ ակնհայտ սուտ տեղեկություն:

3․ Ապրանքների և ծառայությունների գները
«Ծիրան Համակարգը» մոբայլ և վեբ տիրույթում օգտագործելը անվճար է: Ապրանքների գները որոշվում են «Ծիրան Համակարգի» կառավարման կենտրոնում` հաշվի առնելով բազմաթիվ գործոններ, այդ թվում մրցակցայինը: Հաշվի առնելով առցանց տիրույթի որոշակի հանգամանքներ՝ «Ծիրան Համակարգի» գները կարող են տարբերվել Ծիրան սուպերմարկետներում վաճառվող ապրանքների գներից ինչպես դեպի բարձր, այնպես էլ դեպի ցածր:
«Ծիրան Համակարգի» ծառայությունները՝ առաքումները 3 տեսակի են՝ անհատական առաքում, ֆիքսված ժամերին առաքում, ինքնառաքում, որոնցից առաջինը վճարովի է, մյուս երկուսը անվճար (այն քաղաքներում, որտեղ կա Ծիրան սուպերմարկետ): Առաքման վճարման գները պարբերաբար կարող են ենթարկվել փոփոխությունների: Առաքումների գները կախված են լինելու՝
Հեռավորությունից
Գնումների ծավալից
Առաքման ձևից
Առաքման ժամից և այլն

Արտարժույթի փոխարկիչը կրում է տեղեկատվական բնույթ և պետք չէ դիտարկել այն որպես վերջնական, քանի որ արտարժույթի գները պարբերաբար վերանայվում են, և փաստացի գները, ելնելով գործարքի ժամկետից, կարող են տարբերվել, բայց ոչ էականորեն:

4․ Գնումների, գնումների վերադարձի և չեղարկման պայմանները
Կատարելով գնումներ «Ծիրան Համակարգի» միջոցով՝ Դուք ընդունում և համաձայնում եք գնումների, գնումների վերադարձի և չեղարկման պայմանների հետ: «Ծիրան Համակարգից» առցանց գնումները հիմնականում ենթակա են վերադարձի բացառությամբ՝

• ՀԴՄ կտրոնի բացակայության
• Ժամկետային նշումով ապրանքների ժամկետների լրանալը
• Ապրանքի վնասված լինելը
• 14 օր լրանալը

Պայմաններում, կիլոգրամով գնված ապրանքների պարագայում, վերադարձի ենթակա է փաստացի քաշի գումարը:
Առաքման գումարը վերադարձի ենթակա չէ, եթե վերադարձը տեղի է ունեցել գնորդի նախաձեռնությամբ:
Գնման չեղարկում հնարավոր է բոլոր դեպքերում, բացառությամբ եթե առաքիչն արդեն դուրս է եկել և ճանապարհին է: Առաքիչի դուրս գալուց հետո գնումը չեղարկելու դեպքում՝ գրանցվում է ապրանքի վերադարձ և գնորդի կողմից վճարվում է միայն առաքման գումարը:

5․ Կրեդիտ քարտեր
«Ծիրան Համակարգում» կրեդիտ քարտերով վճարումներն իրականացվում են վերահասցեավորման ճանապարհով՝ Ակբա Բանկի առցանց պոստերմինալ համակարգով։ Հաճախորդների գաղտնի տեղեկությունների (քարտի տվյալներ, գրանցման տվյալներ և այլն) հավաքագրումը և մշակումը կատարվում է «ARCA», «VISA», «Master» պրոցեսինգային կենտրոններում, այլ ոչ թե «Ծիրան Համակարգում»: Այդ իսկ պատճառով մենք չենք կարող ստանալ գնորդի անձնական և բանկային տվյալները: «ARCA», «VISA», «Master» համակարգերի միջոցով վճարումներ կատարելու ժամանակ քարտապանը ավտոմատ իր էլ. հասցեին ստանում է նամակ, որը ծանուցում է քարտապանին իր քարտից դուրս եկած գումարի մասին: «Ծիրան Համակարգում» հնարավոր է գնումներ կատարել հետևյալ կրեդիտ քարտերով` «ARCA», «VISA», «Master»: Հաշվի առնելով այն փաստը, որ բոլոր տեսակի վճարումները կատարվում են «ARCA», «VISA», «Master» վճարային համակարգերի միջոցով՝ Ձեր կրեդիտ քարտի տվյալները չեն պահպանվում մեզ մոտ: Ձեր կրեդիտ քարտի իսկության ստուգումը, Ձեր կրեդիտ քարտի տվյալների պաշտպանությունը և կոդավորումը կատարվում է «ARCA», «VISA», «Master» վճարային համակարգերի միջոցով։ Որոշ բանկեր և քարտային ընկերություններ, գնումների համար վճարումը կարող են դիտարկել որպես միջազգային փոխանցում և դրա համար որոշակի վճարում պահանջել: Բացի այդ, Ձեր կրեդիտ քարտի արժույթը կարող է տարբերվել «Ծիրան Համակարգում» գնումների համար վճարման ենթակա գումարի արժույթից, և Ձեր բանկը կարող է գումարի փոխարկման համար նույնպես վճար գանձել: Այս պայմանների մասին ավելի մանրամասն կարող եք տեղեկանալ ձեր բանկից: Նման դեպքերում Ձեր կողմից կրած ֆինանսական կորուստները մեր կողմից փոխհատուցման ենթակա չեն:

6․ Արձագանքներ և մեկնաբանություններ
«Ծիրան Համակարգում» գնորդները կարող են թողնել երկու տեսակի մեկնաբանություն: Առաջինը՝ ուղղված ապրանքին, որը գնել են, երկրորդը՝ ուղղված «Ծիրան Համակարգի» և նրա կողմից մատուցած ծառայությունների որակին: Առաջինը հրապարակային է մեր կայքում, իսկ երկրորդը նախատեսված է Համակարգի աշխատանքը բարելավելու համար:

Մենք մեզ իրավունք ենք վերապահում չհրապարակել կամ հեռացնել Ձեր արձագանքները, եթե դրանք կպարունակեն ոչ պատշաճ արտահայտություններ կամ ակնհայտ սուտ տեղեկություն:
Նշված արձագանքները կրում են զուտ վիճակագրական բնույթ:

7․ Հղումներ այլ կայքերի
«Ծիրան Համակարգը» կարող է պարունակել հղումներ մատակարարների կայքերին, նրանց ֆեյսբուքյան հաշիվներին, յութուբի ալիքներին և այլն: Մենք չենք վերահսկում և պատասխանատվություն չենք կրում
տվյալ կայքերի բովանդակության և դրանցում առկա ինֆորմացիայի իսկության համար:

8․ Մեր Պատասխանատվությունը և այն բացառող հանգամանքները
Համաձայն նշված «Պայմանների և Կանոնների», Ձեր կողմից կատարվող առցանց գնումների ժամանակ «Ծիրան Համակարգը» և Ծիրան սուպերմարկետների ցանցի պահեստների կառավարման համակարգը աշխատում են սինխրոն: Սակայն, հաշվի առնելով մարդկային գործոնը և պահեստից մինչև դրամարկղ ապրանքների տեղափոխման համար կատարվող գործողությունների ժամանակահատվածը, այդ սինխրոն աշխատանքի մեջ կարող են տեղի ունենալ խզումներ, ինչի հետևանքով առցանց ռեժիմում կատարված Ձեր գնման և այն ձևակերպելու ժամանակ պահեստում կարող է այն արդեն վերջացած լինել: Նման դեպքերում մեր զանգերի կենտրոնից անմիջապես կկապնվեն Ձեզ հետ և կառաջարկեն այլընտրանք կամ գումարի վերադարձ:
Չնայած դրան, ո՛չ մեր ընկերությունը, ո՛չ մեր աշխատակիցները և ո՛չ էլ ընկերության տնօրենը և այլ անձինք, որոնց գործողությունները նպաստում են մեր համակարգի գործունեությանը և նրա տեղեկատվական մասի ապահովվմանը, պատասխանատվություն չեն կրում` ցանկացած հատուկ, անուղղակի կամ միջնորդավորված կորստի կամ վնասի համար, ցանկացած արտադրական կորստի, պայմանագրերի և եկամուտների կորստի, «Ծիրան Համակարգից» օգտվելու ընթացքում Ձեզ պատահած դժբախտ կամ ֆորսմաժորային դեպքերի, համակարգից սխալ օգտվելու արդյունքում Ձեր կրած վնասների, մտադրված և ոչ օրինական գործողությունների հետևանքով Ձեր կրած վնասների և այլ չվերահսկվող դեպքերի համար:

9․ Տեղեկությունների հավաքագրում
Դուք հնարավորություն ունեք «Ծիրան Համակարգում» գրանցվել Ձեր ֆեյսբուքյան հաշվի միջոցով, որի արդյունքում մենք կարող ենք օգտագործել որոշակի տեղեկատվություն Ձեզ նույնականացնելու համար։ Այլ ձևով գրանցման ժամանակ անհրաժեշտ է հատուկ ձևաչափով և առցանց ռեժիմով լրացնել անուն, ազգանուն, էլեկտրոնային փոստի հասցե (անձնական կամ աշխատանքային) և հեռախոսահամար: Պատվերը ամբողջական ձևակերպելու համար անհրաժեշտ է նաև լրացնել առաքման հասցե: Այս տեղեկություններն անհրաժեշտ են Ձեր պատվերի մշակման և առաքման համար:

10․ Գաղտնիության պահպանումը առցանց ռեժիմում
Խնդրում ենք ընդունել ի գիտություն, որ համաձայն Հայաստանի Հանրապետության օրենսդրության և ՀՀ կողմից մի շարք միջազգային պայմանագրերի և համաձայնագրերի առկայության,«Ծիրան Համակարգը» խստորեն պահպանում է անձնական տվյալների չհրապարակման և անվտանգության ընթացակարգերը՝ չարտոնված մուտքերը կամ անձնական տվյալների չթույլատրված օգտագործումը կանխելու համար: «Ծիրան Համակարգը» օգտվում է համացանցում գործունեություն իրականացնող հայտնի և վստահելի վերլուծական և մարքեթինգային կազմակերպությունների ծառայություններից, որոնց համար առաջնային է հանդիսանում հաճախորդների ինֆորմացված լինելը, ինչպես նաև համապատասխանությունը ստանդարտներին և կանոններին, որոնք վերաբերում են գործընթացների կազմակերպմանը և տվյալների կառավարմանը:

11․ Հետադարձ կապ
«ԾԻՐԱՆ ՄԱՐԿԵՏ» ընկերությունը մասնավոր, կոմերցիոն Սահմանափակ Պատասխանատվությամբ Ընկերություն է: Ընկերությունը գրանցված է Հայաստանի Հանրապետության Արդարադատության նախարարության Պետական ռեգիստրում, ՀՀ օրենքներին համապատասխան։ Ընկերությունն անհրաժեշտության դեպքում իրավունք ունի նշված «Կանոններ և Պայմաններում» կատարել փոփոխություններ և լրամշակումներ: Նշված «Կանոններ և Պայմանների» բնագիրը հանդիսանում է հայերեն տարբերակը: Նշված հիմնադրույթները թարգմանված են անգլերեն և ռուսերեն: «Կանոններ և Պայմանների» մեկնաբանության հետ կապված տարընթերցումների դեպքում նախապատվությունը տրվում է բնագիր տարբերակին: Հայերեն բնագիրը հասանելի է մեր կայքում: Դուք կարող եք նաև դիմել մեզ գրավոր պահանջով, և մենք այն կուղարկենք Ձեզ:

12․ Այլ դրույթներ
Եթե այլ կերպ նշված չէ, ծրագրային ապահովումը, որն անհրաժեշտ է մեր ծառայությունների և/կամ «Ծիրան Համակարգի» օգտագործումն ապահովելու համար, և մտավոր սեփականության իրավունքները (այդ թվում Ծիրան ապրանքանիշի և բովանդակության հեղինակային իրավունքները) պատկանում են «ԾԻՐԱՆ ՄԱՐԿԵՏ» ՍՊԸ -ին: Այս դրույթները և պայմանները, ինչպես նաև մեր կողմից մատուցվող ծառայությունները կանոնակարգվում «Կանոններ և Պայմանների» և մեր կողմից մատուցված ծառայությունների հետևանքով, կարող են լուծվել դատական կարգով՝ Հայաստանի Հանրապետության դատարաններում: Եթե «Կանոններ և Պայմանների» որևէ դրույթ ճանաչվում է ուժը կորցրած կամ դադարում է լինել պարտադիր, նմանատիպ դեպքերում կիրառվում են բոլոր մյուս գործող պայմանները: Նմանատիպ դեպքում անվավեր դրույթը ամբողջությամբ համապատասխանեցվում է գործող օրենսդրությանը, որից հետո Դուք պարտավոր եք հետևել այդ պայմաններին:

«ԾԻՐԱՆ ՄԱՐԿԵՏ» ՍՊԸ
Գործադիր տնօրեն՝
Ա․ Գալստյան

Իրավական Տեղեկատվություն
www.tsiran.am առցանց գնումների համակարգի և «Ծիրան» ապրանքանիշի բոլոր հեղինակային իրավունքները պատկանում են «ԾԻՐԱՆ ՄԱՐԿԵՏ» ՍՊ ընկերությանը: Tsiran.am կայքում տեղ գտած ամբողջ ինֆորմացիայի՝ նկարների, ապրանքների նկարագրության և դրանց թարգմանությունների, կայքի դիզայնի և տեխնիկական լուծումների հեղինակային և հարակից իրավունքները պատկանում են «Ծիրան Մարկետ» ՍՊ ընկերությանը և պաշտպանված են «Հեղինակային իրավունքի և հարակից իրավունքների մասին» Հայաստանի Հանրապետության օրենքով:
Բովանդակության և նկարների ցանկացած տեսակի արտատպումը, կայքի դիզայնի կրկնությունը կամ շփոթության աստիճան նմանակումը, տեխնիկական լուծումների կրկնությունը կամ շփոթության աստիճան նմանակումը արգելվում է:
www.tsiran.am առցանց համակարգի միջոցով գնումները կատարվում են Հայաստանի Հանրապետության օրենսդրությանը համապատասխան: Ընկերությունը գրանցված է Հայաստանի Հանրապետության Արդարադատության նախարարության Պետական ռեգիստրում ՀՀ օրենքներին համապատասխան : Ընկերության գրասենյակը տեղակայված է ք.Երևան, Կենտրոն համայնքի Մ. Խորենացի 47 հասցեում:
Կազմակերպությունը գրանցված է Երևան քաղաքի պետական ռեգիստրում` 264.110.77.8509 համարի ներքո: