static img

Գաղտնիության Քաղաքականություն

Գաղտնիության պահպանումը առցանց ռեժիմում
Խնդրում ենք ընդունել ի գիտություն, որ համաձայն Հայաստանի Հանրապետության օրենսդրության և ՀՀ կողմից մի շարք միջազգային պայմանագրերի և համաձայնագրերի առկայության, Ծիրան Համակարգը խստորեն պահպանում է անձնական տվյալների չհրապարակման և անվտանգության ընթացակարգերը՝ չարտոնված մուտքերը կամ անձնական տվյալների չթույլատրված օգտագործումը կանխելու համար: Ծիրան Համակարգը օգտվում է համացանցում գործունեություն իրականացնող հայտնի և վստահելի վերլուծական և մարքեթինգային կազմակերպությունների ծառայություններից, որոնց համար առաջնային է հանդիսանում հաճախորդների ինֆորմացված լինելը, ինչպես նաև համապատասխանությունը ստանդարտներին և կանոններին, որոնք վերաբերում են գործընթացների կազմակերպմանը և տվյալների կառավարմանը:

Տեղեկությունների հավաքագրում
Դուք հնարավորություն ունեք Ծիրան Համակարգում գրանցվել Ձեր ֆեյսբուքյան հաշվի միջոցով, որի արդյունքում մենք կարող ենք օգտագործել որոշակի տեղեկատվություն Ձեզ նույնականացնելու համար։ Այլ ձևով գրանցման ժամանակ անհրաժեշտ է հատուկ ձևաչափով և առցանց ռեժիմով լրացնել անուն, ազգանուն, էլեկտրոնային փոստի հասցե (անձնական կամ աշխատանքային) և հեռախոսահամար: Պատվերը ամբողջական ձևակերպելու համար անհրաժեշտ է նաև լրացնել առաքման հասցե: Այս տեղեկություններն անհրաժեշտ են Ձեր պատվերի մշակման և առաքման համար:

Կրեդիտ քարտեր
Ծիրան Համակարգում կրեդիտ քարտերով վճարումներն իրականացվում են վերահասցեավորման ճանապարհով՝ Ինեկոբանկի առցանց պոստերմինալ համակարգով։ Հաճախորդների գաղտնի տեղեկությունների (քարտի տվյալներ, գրանցման տվյալներ և այլն) հավաքագրումը և մշակումը կատարվում է «ARCA», «VISA», «Master» պրոցեսինգային կենտրոններում, այլ ոչ թե Ծիրան Համակարգում: Այդ իսկ պատճառով մենք չենք կարող ստանալ գնորդի անձնական և բանկային տվյալները: «ARCA», «VISA», «Master» համակարգերի միջոցով վճարումներ կատարելու ժամանակ քարտապանը ավտոմատ իր էլ. հասցեին ստանում է նամակ, որը ծանուցում է քարտապանին իր քարտից դուրս եկած գումարի մասին: Ծիրան Համակարգում հնարավոր է գնումներ կատարել հետևյալ կրեդիտ քարտերով` «ARCA», «VISA», «Master»: Հաշվի առնելով այն փաստը, որ բոլոր տեսակի վճարումները կատարվում են «ARCA», «VISA», «Master» վճարային համակարգերի միջոցով՝ Ձեր կրեդիտ քարտի տվյալները չեն պահպանվում մեզ մոտ: Ձեր կրեդիտ քարտի իսկության ստուգումը, Ձեր կրեդիտ քարտի տվյալների պաշտպանությունը և կոդավորումը կատարվում է «ARCA», «VISA», «Master» վճարային համակարգերի միջոցով։ Որոշ բանկեր և քարտային ընկերություններ, գնումների համար վճարումը կարող են դիտարկել որպես միջազգային փոխանցում և դրա համար որոշակի վճարում պահանջել: Բացի այդ, Ձեր կրեդիտ քարտի արժույթը կարող է տարբերվել Ծիրան Համակարգում գնումների համար վճարման ենթակա գումարի արժույթից, և Ձեր բանկը կարող է գումարի փոխարկման համար նույնպես վճար գանձել: Այս պայմանների մասին ավելի մանրամասն կարող եք տեղեկանալ ձեր բանկից: Նման դեպքերում Ձեր կողմից կրած ֆինանսական կորուստները մեր կողմից փոխհատուցման ենթակա չեն:

Քուքիներ
Մեր կայքը կիրառում է «քուքի ֆայլեր» Ձեզ համար կայքի օգտագործումն ավելի հարմարավետ դարձնելու համար: Եթե շարունակում եք օգտվել ծառայություններից, կնշանակի, որ Դուք համաձայնում եք մեր դրույթների և պայմանների հետ։

Ինչպե՞ս ենք կառավարում քուքիները.
Քուքի ֆայլը – դա տվյալների մի բազա է, որը կայքն առաջարկում է օգտագործողի բրաուզերին պահպանել համակարգչի հիշողությունում՝ հետագայում տվյալ էջն ավելի հեշտությամբ գտնելու համար: Համաձայնելուց հետո ֆայլը ավելացվում է, և քուքի-ն օգնում է վերլուծել վեբ տրաֆիկը կամ ձեզ տեղեկացնում է որոշակի կայք այցելելու մասին: Քուքիները հնարավորություն են տալիս վեբ հավելվածներին ձեզ ընդունել որպես մարդ: Վեբ հավելվածը կարող է հարմարեցնել իր գործողությունները համաձայն ձեր կարիքների, հավակնությունների և հակակրանքների՝ հավաքելով և հիշելով ձեր նախասիրությունների մասին տեղեկատվությունը: Մենք օգտագործում ենք քուքիներ՝ որոշելու համար, թե որ էջերն են օգտագործվում Ձեր կողմից: Այս տեղեկատվությունը, այնուհետև, օգտագործվում է կայքի հետագա փոփոխման և զարգացման համար, որպեսզի այն հնարավորինս հասկանալի լինի օգտագործողների համար: Մենք օգտագործում ենք այս տեղեկատվությունը միայն վիճակագրական վերլուծության նպատակով, ապա տվյալները հանվում են համակարգից: Ընդհանուր առմամբ, քուքիները օգնում են մեզ տրամադրել ավելի լավ ծառայություններ կամ կիրառման փորձ, հիմք ընդունելով Ձեր հետաքրքրություններն ու գործելակերպը, հասկանալով թե որ էջերն եք օգտակար համարում, իսկ որոնք ՝ ոչ: Քուքի-ն մեզ ոչ մի կերպ չի տալիս հնարավորություն մուտք գործել ձեր համակարգիչ կամ ձեռք բերել այլ անձնական տվյալներ, բացառությամբ այն տվյալների, որոնք դուք տրամադրում եք մեզ։ Դուք ունեք քուքի ֆայլը ընդունելու և մերժելու հնարավորություն: Որպես Օգտատեր Դուք կարող եք թե՛ արգելափակել, թե՛ ջնջել «քուքի ֆայլեր»-ը,՝ փոխելով Ձեր դիտարկչի կամ համակարգչի կարգավորումները, սակայն նկատի ունեցեք, որ «քուքի ֆայլեր»-ի ապաակտիվացումը կարող է ազդել մեր կայքում Ձեր՝ օգտատիրոջ տեղաշարժման վրա:

Իրավական տեղեկատվություն
www.tsiran.am առցանց գնումների համակարգի և «Ծիրան» ապրանքանիշի բոլոր հեղինակային իրավունքները պատկանում են «ԾԻՐԱՆ ՄԱՐԿԵՏ» ՍՊ ընկերությանը: Tsiran.am կայքում տեղ գտած ամբողջ ինֆորմացիայի՝ նկարների, ապրանքների նկարագրության և դրանց թարգմանությունների, կայքի դիզայնի և տեխնիկական լուծումների հեղինակային և հարակից իրավունքները պատկանում են «Ծիրան Մարկետ» ՍՊ ընկերությանը և պաշտպանված են «Հեղինակային իրավունքի և հարակից իրավունքների մասին» Հայաստանի Հանրապետության օրենքով:
Բովանդակության և նկարների ցանկացած տեսակի արտատպումը, կայքի դիզայնի կրկնությունը կամ շփոթության աստիճան նմանակումը, տեխնիկական լուծումների կրկնությունը կամ շփոթության աստիճան նմանակումը արգելվում է:
www.tsiran.am առցանց համակարգի միջոցով գնումները կատարվում են Հայաստանի Հանրապետության օրենսդրությանը համապատասխան: Ընկերությունը գրանցված է Հայաստանի Հանրապետության Արդարադատության նախարարության Պետական ռեգիստրում ՀՀ օրենքներին համապատասխան : Ընկերության գրասենյակը տեղակայված է ք.Երևան, Կենտրոն համայնքի Մ. Խորենացի 47 հասցեում:
Կազմակերպությունը գրանցված է Երևան քաղաքի պետական ռեգիստրում` 264.110.77.8509 համարի ներքո: